ETXEALDITIK EUSKARALDIRA!!  ERRONKA (2) 💕💜💚🔵🔴

Etxeko euskarako irakasle maiteak, zer moduz zoazte?

Asko praktikatu edo ikasi al dute zuen etxekoek?

Dagoeneko, koloretako zenbat zirkulu lortu duzue? 🔵🔴⭕⬤

Hasieran, etxean  irakasteko erronka bota genizuen. Orain beste ariketa batzuk proposatzen dizkizuegu etxekoei edota ingurukoei gehiago irakasteko:

1- Jarraitu  aurreko egunetako agurrak, gauzen izenak eta esaldi errazak praktikatzen.

2- Atera partxisak, antzara-jolasak (oca), dominoak edota karta- jolasak eta irakatsi zenbatzen euskaraz: bat, bi, hiru... Jolas horietan erabiltzen diren esamoldeak ere bai : nik irabazi dut!/ zuk galdu duzu; nire/zure txanda da ; bota dadoa/karta...

3- Orain egunero alditxo bat kalera atera ahal zaretenez, ezagunei, dendariei, auzokideei euskaraz agurtu eta dakitenekin euskaraz hitz egin  eta kontatu zer egiten ari zareten.

4- Horman, leihoan edo balkoian jartzeko txartelen bat prestatzen baduzue mezua euskaraz ere idatzi.

Komentarioetan idatzi ahal duzue nola doan erronka zuen etxeetan eta nahi baduzue bidali zuen zikuluen argazkiak!